生智慧齒被誤傳染新冠肺炎 江嘉敏貼檢測結果：冇吖

江嘉敏昨日反擊完被指開ig shop義賣公開贈品被質疑圖利後，昨日在ig story貼上一邊面腮照，稱：「隻智慧齒兩日前生緊出嚟，高到面又腫又痛，加上琴（前）晚瞓得2個鐘，頭都痛埋！今（昨）朝07返完外景，晏晝有1個鐘break返屋企休息下，痛到我野（嘢）又食唔到，一打開個口就痛到眼淚都流埋，真係喊住同監製講，隻牙又痛塊面又痛頭又痛，今（昨）晚返廠景我講對白實一舊舊（嚿嚿）！」
於是監製很好讓她回家休息，但一覺醒來後，江嘉敏稱原來大家以為她發高燒又感冒又流鼻水，更被指中招新冠肺炎，所以她隨即進行快速測試，結果呈陰性，並貼圖強調：「冇發燒、冇流鼻水、冇呼吸困難！生智慧齒真係痛到喊！面痛牙痛頭都痛！我今朝係仲有返緊外景，體溫有被CHECK過係正常先入到TVB門口！我，冇，因，體，溫，過，高，而，返，唔，到，工！冇，吖！」