相隔一年出新歌講親情 余香凝升呢人母更重視家庭
2021-02-26 21:55 
去年底升呢人妻兼人母的余香凝（Jennifer），相隔一年再推出個人新歌《最好陪伴》，此曲是她與鮑起靜（鮑姐）主演的微電影《日子總有我陪伴你走》主題曲，講述要珍惜人與人之間的關係，愛要及時。Jennifer坦言錄這首親情歌時，感受良多，她說︰「長大後我經常諗，爸爸媽媽年紀愈來愈大，時間會唔會係倒數緊呢？其實咁諗係好消極，我哋要積極啲諗，時間流逝，要趁呢個時候陪佢哋更多，同佢哋做啲佢哋想做但未做過嘅嘢。」
作為準媽媽的Jennifer也表示婚後更重視親情，她說︰「親情有昇華，因為唔只自己本身嘅家庭，仲有老公嗰邊嘅家庭，而且我同老公都組織咗家庭，令我覺得有更多人與人之間嘅感情要珍惜，因為你遇到另一家人，以前大家唔認識，冇血緣關係，佢哋當你係一家人，所以要更加珍惜。」
提到同時兼顧家庭和事業，Jennifer自認不善於分配時間，她說︰「因為要工作，而且有唔同朋友，仲有自己屋企人，特別係我婆婆，我唱呢首歌都有諗起佢，佢年紀開始大，有時會諗好耐冇見婆婆，但有時放假會選擇約朋友，所以要提醒自己，你諗起就要立即去搵，未必一定要去見面，打電話畀佢，都好過你乜都冇做。」
關鍵字
最新回應