跟錢嘉樂一文一武擦出火花 77歲許冠文鍾意動作戲唔使諗對白

十間電影公司合資開拍電影的抗疫電影《總是有愛在隔離》下月正式上映，不少電影界前輩為業界盡心盡力，不收片酬義不容辭接拍這片，其中77歲的許冠文（Michael）更是佼佼者，戲中有不少辛苦場面，而且連日來為追趕進度，更要通宵拍攝。
其中一場講述許冠文、錢嘉樂、王凱韋、馮勉恆走秘密水道逃離酒店的戲，4人在34度炎熱高溫天氣下，穿上全套潛水衣裝備拍攝，未開始拍攝，各人已大汗淋漓，工作人員不時為4人抹汗補妝。
另一場許冠文與錢嘉樂則要在管道上訓身爬行兼轉身。雖然要捱夜、捱熱拍動作戲，但為業界出力的Michael不但沒有怨言，還樂在其中：「我唔係專門做動作戲，但我幾鍾意做動作戲，因為唔使諗對白，如果係好嘅動作，唔使解釋，同埋喜劇我最鍾意做全世界都明嘅動作戲，非洲人睇一樣、中國人睇又一樣、美國人睇又一樣，咁就最好！」
今次與嘉樂有最多對手戲，Michael說：「我多數度文戲，有幽默感嘅對白，佢就負責動作、打鬥，幾有火花，佢會度一啲嘢我唔會諗到！」與Michael有最多對手戲的嘉樂，身兼動作導演，被問到是否「虐待」前輩？嘉樂笑說：「潛水衣唔關我哋動作設計事㗎，我哋負責實行㗎啫！」原來嘉樂早在35年前曾與Michael合作，他說：「Michael未必記得，我係《智勇三寶》做過佢替身，演員身份合作今次係第一次，在片中演他細佬，可以同偶像合作，每日開工都懷住又緊張又期待嘅心情。」