葉巧琳首演音樂劇勁緊張 羅敏莊大讚表現好冷靜

羅敏莊、葉巧琳（Mischa）及邵美君等為高世章擔任策劃及音樂總監的音樂劇《我們的音樂劇Reimagined》綵排，羅敏莊大讚葉巧琳表現好冷靜，雖則對方自認緊張，但完全不察覺，指葉巧琳相對跟同劇演員的練習時間少，不過好少時間內記到好多歌詞同走台位好難得。她說：「今次音樂劇內好多首都好出名，但Mischa唔識，所以要由頭學過。但之前畀定心理準備佢唔係唱歌咁簡單，都驚嚇會親佢。」

首次演音樂劇的葉巧琳自言是新丁及好緊張，但跟比賽的感覺不同，反而似玩多，亦好享受在台上跟大家一齊。她說：「最難兼備所有事情，好彩自己有讀開音樂識得睇曲譜，學音樂部份會快，但到記台位同多首歌的串連同走位，就會有少少亂。」
Mischa直言參加《全民造星III》後，增加不少工作，今年最大得著可演出兩個音樂劇，亦會推出歌曲及拍MV。