【Juicy叮】鄰婦成日搣到外甥仔面珠墩紅晒大喊 網民怕尷尬問點勸阻

有網民在「香港討論區」發文求助，指鄰居婦人經常把外甥仔的臉頰搣到紅，有時候還大力到會搣到放聲痛哭，令這位網民相當無奈，希望能勸阻，但又怕正面責罵影響關係。

網民指，胞姐放假的時候都會把她1歲半的兒子，寄放在媽媽處，「行路都係跌跌撞撞，有少少肥肥仔咁，真係幾得意」。而旁邊鄰居又經常上門找她媽媽聊天，結果鄰居婦人「好鍾意搣小朋友面珠墩，如果係細細力咁搣下都冇乜問題，但係都搣得幾大力」。

網民投訴，有時婦人一邊口説「好得意呀」一邊搣小朋友的「面珠墩」，有時仲要扯幾下，「小朋友俾佢搣完之後個面珠墩紅晒，有幾次佢搣完之後小朋友喊得幾大聲，佢仲要加句『哎呀咁易喊架』」

網民埋怨，「都唔知係唔係因為佢啲仔女結婚幾年都唔生仔，搞到佢心理有少少唔平衡，一邊叫好得意，一邊虐待人哋啲BB」。網民於是問，「如果小朋友成日俾人咁樣搣會唔會有問題？」

有網民留言提議實話實説，「直接叫佢唔好搣！！咁想搣叫佢自己生個嚟搣」、「直接同佢講啦，不過搣下又唔會有乜問題嘅」、「直接講，尷尬嘅只會係佢」，有人更建議「你又一樣揻返佢！話幾十歲好得意呀」。有人批評，「眼看手勿動，而家疫情下，朋友之間都唔接觸身體啦…更何況係小朋友BB之類!」。

帖文轉載自《阿媽個朋友成日搣到小朋友面珠墩紅晒，仲要喊到收唔到聲》