馮皓揚曾為演繹少年蘇樺偉感迷惘 狂loop訪問調節細微位

由吳君如監製及主演，尹志文執導的電影《媽媽的神奇小子》將於周四（12 日）上映，電影根據殘奧徑賽金牌得主蘇樺偉的真人真事改編，飾演少年版蘇樺偉的馮皓揚，雖然年紀輕輕又零演出經驗，但他演繹起來，無論說話方式或肢體動作，以及演繹內心感情戲，令人印象難忘。

馮皓揚坦言很擔心自己的演技，不清楚自己演繹方式究竟好定不好，所以會感到迷惘，但不會在片場特別跟其他人溝通，因為想做好個角色。為了演繹蘇樺偉的肢體動作，馮皓揚直言返學或補習之前也會對鏡練習，還會重看蘇樺偉奪得金牌後的訪問作為參考，他說：「我盡量搵番佢細個啲訪問，因為始終我同少年版有段差距，導演都想我哋之間有啲變化，所以我得閒會拍自己個樣啲細微位點樣調節。」

戲中有「火車東」外號的胡子彤，傳聞可以「跑得快過火車」，同樣身有殘疾的他是田徑隊成員之一，有一幕要頭上套住膠袋跑步，他形容玩命一樣：「套住個膠袋其實完全睇唔到嘢，拍咗一次後，同導演講可唔可以篤個窿仔喺膠袋畀我望一望，其實起步跑咪睇到，但跑跑吓就走晒位，真係跑到唞唔到氣。不過都同導演講會盡力跑，真係斷氣先摵走個膠袋，最後我都跑了100米。」

而飾演張繼聰妹妹的鍾雪瑩，為了演繹今次肥妹角色，用了三個星期時間瘋狂吃，由原本50公斤增加到64公斤：「開始時我在另一劇組開工，每日飲7杯奶昔，臨睡前仲會食兩枝甜筒，足足持續咗個幾星期後，身體有啲頂唔順發燒，之後採取另一方法，就係每日食好大包的馬仔。」