朱凱婷母女檔唱《小忌廉》 25歲羅毓儀「逆齡」造型吸睛

TVB早前舉行盛大綜藝騷《兒歌金曲SUMMERFEST》，動員近二百名表演嘉賓、表演團體及台前藝員同事等，喚起大人們經典兒歌回憶的同時，亦讓小朋友有個悅耳又繽紛的晚上，節目將於9月4日晚（本周六）晚上八時半至十時半於翡翠台播出。

節目其中一個環節邀請了朱凱婷（Heidi）及莫家淦，分別帶同女兒林穎彤及兒子莫朗翹獻唱《我係小忌廉》及《超人的主題曲》。Heidi與囡囡穿上公主母女裝登場，連環做出多個合拍度高的可愛表情及動作，默契十足。
Heidi透露9歲女兒很喜歡表演，她說：「我哋成日喺屋企載歌載舞，其實都幾開心，囡囡到咗呢個年紀仲好享受同媽咪一齊唱歌表演，所以我好珍惜一齊上台嘅Moment。」母女合唱《小忌廉》是媽媽的童年回憶，她說：「囡囡為我專登學唱呢首歌，好似將我細個鍾意嘅兒歌傳承咗畀佢咁。」Heidi又透露囡囡有份參與是次髮型設計，二人專誠剪了齊蔭頭再加鬈曲髮馬尾配合小忌廉造型。至於莫家淦囝囝雖然較怕醜，但在爸爸帶領下仍能成功完成多個表演，精靈乖巧。

製作組特意搜羅了近百件Cosplay造型衣服，其中羅毓儀的春風DorReMi造型最為吸睛；雖然她現年25歲，但樣子依然孩子氣，配以青春無敵的造型、豐富表情以及甜美笑容，絕對為「逆齡」最佳示範。另《盛‧舞者》的龍珠+數碼暴龍+足球小將的Cosplay狂舞演出，既有睇頭亦有趣味，當中尤以袁鎮業的小志強造型最為過癮，皆因他的球鞋上黏實了一個玩具足球，無論點跳點揈都「唔會飛甩」，創意十足。