【独家】唔怕余咏珊失势牵连老婆 萧正楠爱入厨喂饱黄翠如

热爱下厨嘅萧正楠（阿萧）跟10位米芝莲餐厅大厨携手主持myTV SUPER煮食节目《Testing Menu》。萧正楠系家中大厨，就算去年底因为冇戴口罩访问过有员工确诊嘅食店要强制入住隔离营，入营前都为老婆黄翠如煮定好餸，让她「独守空帏」两周时依然有啖好食！他笑说：「有个人等住你煮畀佢食，我同佢都系幸福嘅！」采访：方骞平 摄影：谭壹致

《Testing Menu》经已上架，萧正楠跟10位大厨于每集挑选一款食材创作食谱，研发成为米芝莲餐厅新菜式。阿萧表示，最严谨系做日本餐，除注重食物外，就连食具摆位及食用次序都好讲究，大家对主厨恭恭敬敬，要90度鞠躬，所以有压力。至于最有满足感就系做大良炒杏仁奶甜品，作品相当有水准，好想同翠如一齐分享。

努力工作唔怕人事变动
萧正楠系家中大厨，最擅长整爸爸传授嘅秘制咖哩鸡：「细个见到爸爸喺厨房猛火炒呢道菜，煮到背脊系咁流汗，到我大个落手落脚先知道原来整咖哩鸡系好复杂，所以每次食起嚟好有父爱嘅感觉，翠如都好锺意食，但我要迁就佢减辣。」问他可有想过将来煮畀儿子吃？他坦言有憧憬过个呢个画面：「我都好想将爸爸嘅爱交畀个仔，但生儿育女呢方面随缘，𠵱家环境咁恶劣，一个病影响晒成个世界，唔好勉强。」提到余咏珊失势，被喻为「余党」(余咏珊爱将)嘅黄翠如可担心受牵连？萧正楠即护妻：「咁破冰记者会，星梦唱片同事都喺度，证明公司都要继续用人㗎啦！而且翠如主力拍剧及做主持，我谂只要做好本份，公司系会睇到佢嘅努力，佢工作如常亦冇担心过。」