【独家】《造星III》发掘演音乐剧才华 叶巧琳望跟歌手双线发展
2021-04-13 19:36 
叶巧琳（Mischa）参加《全民造星III》时被发掘演出音乐剧才华，比赛后果然机会不断，「妈妈」梁祖尧率先搵她8月跟参赛者Manson（张进翘），以及Serrini等演出音乐剧《孪孪成人礼》，不久再获邀演出本周五（16日）开始公演的《我们的音乐剧Reimagined》，虽然是以演唱会形式，但已令Mischa很珍惜机会，她更希望未来歌手及音乐剧双线发展。撰文：杜淑霞 摄影：谭壹致 发型：Milk Chan@Xenter 化妆：Cyrus Lee 服装：Martine Rose、Helmut Lang @farfetch
Mischa认为《造星III》是好丰富及精彩的过程，而且赚到不少机会，「无论工作上面多咗人搵我去拍嘢，赚得最多系多咗人认识，同埋畀我争取到做音乐剧机会，如果唔系《造星》自己有得选择去唱音乐剧嘅歌，未必大家可以知道Mischa可以唱呢类型歌，所以有咁嘅工作机会。」
Mischa坦言因《造星III》令中间人向音乐剧《我们》的策划及音乐总监高世章提议用她，「我𦧲饭应㗎！我唔睇钱㗎！我free都肯做㗎！（当学嘢都抵？）系㗎！佢哋全部cast都咁有经验，我相信喺佢哋身上会学到好多嘢，我唔会去浪费咁样嘅机会。」她坦承正式排练发觉好有难度，因大部份音乐剧都未有机会睇，歌曲亦没有听过，加上要唱广东话，但她仍会努力去演绎每首作品，「因为高世章重新编过歌，亦都觉得佢搵我系一个赌注嚟，佢好大胆搵我，我咁green佢哋真系觉得我做得嚟？！所以喺演绎时，我嘅心态系要对得住佢哋罗！对得住佢哋信任，我要做好自己本份去演绎咁多大师写嘅作品。」
演出完《我们》再演出《孪孪》后，Mischa最希望能够keep住有机会演出音乐剧，「我好希望4月呢个打另一道门，8月又会打开另一道门，系好好嘅投资，所以一定要做得好罗！得㗎喎！就会再多啲机会畀我，因为我真系好锺意音乐剧，希望我继续行嘅路，同埋两边兼顾到，我未同公司讲㗎！但内心好想咁样发展落去，我始终觉得呢样系最想做嘅嘢，唔好埋没咗佢，既然有人睇到嘅时候，就更加应该保留呢样嘢，如果真系可以两边兼顾，人生就好完美啦！」
最新回应