【独家】经历家庭惨事人生跌落谷底 黄剑文彩排音乐剧崩溃爆喊
2021-04-30 00:31 
黄剑文(Kimman)自参加ViuTV节目《全民造星III》后多咗好多人认识，工作量大增，下月5日及6日将会同陈明憙及陈凯彤参演音乐剧《携手瞳行慈善音乐剧场》演视障人士。虽然喺《造星III》演过音乐短剧《某一种悲伤》，但只系斋唱冇对白，今次要他声嘶力竭大发脾气，彩排时已崩溃了一粒钟，真系好大挑战。采访：方骞平 摄影、谭壹致
平日黄剑文好好笑容，原来他好似音乐剧男主角Gary咁，曾跌到落谷底，所以演起嚟真系好有feel！虽然首次挑战音乐剧，就连成日畀意见佢嘅老友周慧敏都话好放心，深信佢一定胜任。
Kimman自爆彩排时，导演要求他keep住情绪，成个人崩溃倒地，嗌到连声都拆埋，眼泪鼻涕抹到两袖都湿晒，相当痛苦。至于陈明憙（Jocelyn）就冇咁激动，最大挑战系由小学生演到大人：「因为系视障人士，所以由细到大会畀人虾。为咗突出舞台效果，我会束孖辫，提高声调嚟扮小学生，仲会用拳头打自己。」陈凯彤相对简单得多，导演只叫佢嗲声嗲气，发吓姣就过关。讲到人生低潮，Kimman有伤感的过去，他自爆妈咪喺11年前因为抑郁症，在她住所烧炭轻身：「事发喺我生日后5日，我真系接受唔到，加上两岁时经已冇咗生父，爸爸离家后再冇联络，一直有被遗弃嘅感觉，妈妈嘅离开令我一度上咗露台寻死，好记得去韩国散心时喺街头曾经放声大叫嚟发泄，好彩最后有信仰令我意智坚定，𠵱家细佬妹都长大，我会好好照顾公公及婆婆，生活叫做过得安定。」
最新回应