【独家】《香江号》延期后终能公演 卫骏辉相信疫情一定会过去
2021-05-20 20:04 
粤剧名伶卫骏辉获「青年同行基金」创办人吴仕福邀请，与龙贯天等演出音乐剧《香江号》，将于明天（5月22日）起于西九文化区戏曲中心大剧院演出25场。对于该剧延期后终能公演，卫骏辉坦言心情忐忑，跟大家面对疫情一样，有得亦有失，但相信只要坚持不放弃，难关一定会过去，就如该剧最终能顺利演出。撰文：杜淑霞 摄影：张咏森
卫骏辉与龙贯天主演的《香江号》由「青年同行基金」主办，基金创办人吴仕福任行政统筹，中原地产亚太区主席暨行政总裁黄伟雄任制作及剧团顾问，星运控股特约赞助，卫骏辉任制作总监，龙贯天任艺术总监。该剧本于今年初公演，因疫情延期，卫骏辉认为除了有更多时间筹备，也有额外好处，「我自己比较开心可以转到个发型，我有成廿年头发都冇长过耳仔，成日都留唔到，到半年前觉得演廿几场唔想戴假发，又惊假发有啲咩甩漏，喺1月留到呢两个月终于过咗耳仔，到时上到台应该会挛少少，配合剧中人嘅造型。」
《香江号》故事由上世纪40年代延伸至2021年，是跨越时空的创作，故事中的船，象徵着梨园子弟的心情和情操，藉此鼓励香港人面对疫境不要气馁。卫骏辉说：「大家会以为我哋制作系讲晒抗疫嘅戏，其实唔系，主辧单位系想我哋借住呢次疫情带出一啲讯息，譬如喺疫情入面得同埋失系乜嘢，得着可能系同身边嘅人关系好咗，因为大家互相问候多咗，互相关怀，睇到人性另外一面，有人好自私，亦有人好无私咁样奉献，无论金钱甚至系生命，譬如有啲医护自己感染咗救唔番。我哋想借助我哋呢个细嘅圈子，我哋梨园，以前就喺红船，地方好细，大家同舟共济，我哋创造《香江号》呢个概念系将香港人嘅梦想，一个地方去到另一个地方，始终都会到达，载满我哋温情、理想，呢只船都会到达目的地，只要我哋唔放弃，一定会见到好嘅日子，一百年前都有疫症，但系我哋今日都仲坐喺呢度倾偈，即系会有成功，系时间嘅问题啫！」
最新回应