食好西为食样出晒嚟 郑秀文自制腊味饭加燶边叉烧粉嫰牛扒喂饱安仔
2021-07-04 17:25 
下月19日49岁嘅郑秀文（Sammi），fit到体重长期维持喺45KG左右，一啲赘肉都唔存在，成班熟女羡慕到不得了，仲跟住Sammi提供嘅方法嚟keep fit。
近年郑秀文愈来愈注重健康，除咗爆汗外，日前喺社交网贴出跟朋友学制「水克非尔」（Water Kefir）水嘅过程，利用「水克非尔」可食用嘅益生菌，为人体提供大量活性益生菌，帮助促进肠道健康排走身体毒素，增强免疫力，加强新陈代谢，咁样自然唔会咁易囤积脂肪。
Sammi自我克制咗成个星期，每到假期就会「放假」，满足返自己嘅欲望，见她喺IG限时动态放上美食相及片放毒，Post出噚晚食咗嘅腊味煲仔住家饭，仲有半肥瘦燶边麦芽糖叉烧加餸𠻹！她写道：「唔食就对唔住自己呀！叉烧控表示食极都唔厌。」至于腊味饭系睇电视学嘅，用瑶柱、冬菇、腊肠、润肠加埋切到很碎的菜甫粒制成。仲有5成熟嫰滑焗牛扒配薯条。
Sammi似乎未够喉，今朝再接再厉食好西，包括换上新造型，似雪梨的咸水角、和牛酥、史上最靓嘅蕃薯片，看图睇嚟做得有板有眼，色香味俱全，老公安仔应该大饱口福了。Sammi应该食得好开心，见她对住牛扒双眼发光，为食样出晒嚟，网民睇见都流晒口水。
關鍵字
最新回应