港媽熱捧冬天開飯神器暖菜板 入手前必留意1個關鍵位 ｜飲食熱話

冬天食飯，最怕遇上原本熱騰騰的美味佳饌，因天冷關係而好快放涼，更影響味道。近日在facebook的淘寶開心Share群組不約而同都有港媽力推保溫神器的「暖菜板」，一邊食飯一邊可保持飯菜騰騰，吸引網民熱烈討論，但有一個關鍵位值得大家入手前留意。

「暖菜板」得到港媽們開帖力讚，有的認為「機身輕巧而且易於收藏，有三種溫度同時間可選擇」，另又表示「上年大部份都係一塊過，之後出嘅就摺疊款同埋一個碟可以放一碟上去再拼埋嘅款」等，有一點值得留意是電綫的問題，「我係雙11就決定買左而家呢塊「美的可以捲埋嘅暖菜板」，揀佢另一原因係，佢條電線係分開，收貨時係2腳，但我就直接買左條3腳換落去用」。

以下是港媽們拍板入手買「暖菜板」的原因：

吸引港媽入手暖菜板的原因

由上年睇到今年嘅「暖菜板」，淘寶有好多，但上年大部份都係一塊過，之後出嘅就摺疊款同埋一個碟可以放一碟上去再拼埋嘅款。

但考慮過收納問題，同屋企人數後👉🏻👉🏻👉🏻 我係雙11就決定買左而家呢塊「美的可以捲埋嘅暖菜板」

揀佢另一原因係，佢條電線係分開，收貨時係2腳，但我就直接買左條3腳換落去用，自我感覺安全啲

加上當時因為大手入貨，所有野用埋3個月免息分期，百幾蚊個月港紙一個月，比咗錢都唔覺

之前用開一塊琪基既暖菜板，媽咪覺得好用，本來幫佢訂左，但落到黎全碎，所以直接轉贈比媽咪用。

用開果塊係55*35，只係78蚊人仔，性價比都好高，不過包裝得好差，所以第二次集運落黎全碎。

之後我再上網睇下邊款暖菜板好，直到見到呢款大宇，完全係比佢既顏值所吸引，機身輕巧而且易於收藏

有三種溫度同時間可選擇，開到120度啲餸會出煙添😂而且仲可以獨立開A或B區既區域。

我地都好滿意呢塊暖菜板，絕對值得擁有😍 購入價係329人仔。

淘咗依個可拆卸嘅暖菜板，平時一家人食擺兩個就得

我買咗三個係準備食團年飯人多時用，收納都勁方便！

 

帖文一出，引發網民的熱烈討論及用家的心得分享。

網友討論與用家的心得分享

入冬後仲慢慢食，食成粒鐘都仲係熱既

正啊，易少納，但貴左少少

白痴一問，小朋友店到，會唔會辣到手？因為個女得2歲，手多多

熱就一定熱，又未至於去到燙傷

我有用緊，個熱度絕對唔會熱到辣手，頂盡係和暖！

喺咪咩類型ge碟都岩用？使唔使一定要平底既碟？

我用LC都暖，但用其他薄d同埋碟腳無咁話既就最好

好用，用咗幾年，有小朋友就岩晒

 

港媽推介的「暖菜板」款式

美的（Midea） 暖菜板热菜板保温板方形折叠分區調温快速升温加熱家用餐桌加熱桌墊飯菜保温神器，售價為人民幣599。（圖片源自京東網站）

圖片源自facebook@淘寶開心share

圖片源自facebook@淘寶開心share

大宇折叠暖菜板飯菜保温板家用方形餐桌暖菜寶多功能加熱菜板神器，售價人民幣599。（圖片源自天貓）

蘇寧自營可拼接暖菜板多功能家用冬天飯菜保温神器加熱菜板餐桌墊，售價人民幣408。（圖片源自天貓）

德國藍寶給合折叠暖菜板家用熱菜板多功能保温板餐桌恒温熱飯神器，售價人民幣899。（圖片源自天貓網站）

 

圖：facebook@淘寶開心Share、京東網站、天貓網站