鄭中基自嘲唔好意思攞叱咤獎

(星島日報報道)鄭中基（Ronald）及強尼昨日以《暖男爸爸》拍檔出席保險活動，問到為何缺席元旦日舉行的叱咤頒獎禮？Ronald笑說：「唔使啦！樂壇應該給後生仔多些鼓勵，況且去到又冇認識的人，沒人陪我談天啦！但我有睇電視，哈哈！（網友認為你比姜濤合資格拎獎？）不會啦！人家努力出唱片，我只得一首歌，我不好意思拎啦！也不要抹煞別人的努力。」

Ronald又透露最近處境「嚴峻」，皆因兩名子女已近一年沒返學，女兒又要考試，小四的課題已勁難，加上老婆報讀兒童心理學課程，跟女兒同日考試，無暇趁疫情追多個。強尼表示兒子跟Ronald女兒同齡，最近沉迷打機，早前帳戶被盜即喊晒口；Ronald亦爆女兒同樣有慘痛經歷，見她爆喊時還以為受傷，笑爆全場！