Fatboy化身型男畀女圍

(星島日報報道)MIRROR成員Edan（呂爵安）與ERROR隊長Fatboy（梁業）齊齊「單飛」，二人同日推出新歌，日前分別拍攝MV。Edan在新歌《E先生 連環不幸事件》MV化身學生，返母校取景大玩三角戀！而Fatboy為了新歌《Lady Killa》MV，竟收起招牌惹笑形象，以多個「型男」造型上陣。

Edan首次拍攝個人MV，滲透不少自身元素，出動私伙鋼琴，又特別返母校取景拍攝，他表示新歌別具記念價值。回想中學時期，熱衷參與課外活動，他自爆是「風頭躉」，笑言：「實不相瞞，中學時我都被稱之為『男神』，低年級嘅女同學，好多時會有崇拜師兄，搵啲師兄影合照，所以我都算係風頭躉。」

MV當中一場「攤牌」戲，Edan跟主角林家熙（Locker）、譚旻萱（Mandy）情感大爆發，Edan表示：「呢場戲最難忘，因為喊戲對自己難度極高，本身係唔易喊嘅人，好彩兩位對手表現好好，我都畀佢哋嘅情緒感染。」

這次「單飛」，Edan坦言心情緊張，但他沒刻意向MIRROR的好兄弟取經，指大家風格不同，各有歌路，也覺好彩有兄弟之前做榜樣，令他知該怎樣做。

同日出新歌的Fatboy出動半百工作人員及10多位舞蹈員拍《Lady Killa》MV，女主角邀得靚女模特兒關雅芳（Vagary），配合MV風靡萬千少女的主題，他chok爆化身多個「型男」。Fatboy首度「單飛」出歌也大叫緊張，為拍MV刻意減肥，更碌盡「人情卡」邀舞蹈員、武術指導朋友幫手。他說：「今次idea自己係一塊唐僧肉，有好多女仔圍繞身邊，艷福唔敢講，因為全部都係識咗好耐嘅朋友。」

問到何不邀在《男排女將》成功「抄牌」的鄧麗欣做女主角，他表示：「最想搵欣宜，因為女主角係Queen，跳得而且好有霸氣，可惜時間配合唔到。至於Stephy都諗過搵，但自己太怕醜，最後都係唔敢。」Fatboy又感謝許廷鏗給予意見和介紹音樂人給他，促成這首歌。