口罩小姐選舉佳麗鬥到見紅

(星島日報報道)ViuTV早前宣布舉辦《最後一屆口罩小姐選舉》，反應熱烈，節目將突破傳統選美，不但看樣貌、不先入為主，全方位考驗佳麗，選出最神秘最漂亮的口罩小姐。節目將以真人騷結合固有選美形式進行，佳麗會分成四組，ERROR四子擔任每組隊長，透過不同項目及考驗，選出冠亞季軍。

今日（25日）播出第四集，節目組搵嚟陳嘉倩考驗佳麗的急才及口才，落敗組別要foul兩位隊員。第一回合係考驗佳麗們嘅眼神演技，及與隊友之間的默契，057阿姨及052黑妹就係搶答嘅時候過分肉緊，黑妹唔小心整損阿姨流血，火花四濺，肥仔緊急叫停叫大家冷靜下先。至於第二回合的辯論比賽，佳麗要辯論「應唔應該支持每個禮拜斷一日互聯網」，其中044孖四就以自己母親病危的經歷，說明互聯網嘅重要性，更說到眼泛淚光；093服務員就大膽以《全民造星III》及友台節目《衝上雲霄大選》收視作例子，指出互聯網令市民坐低睇電視都有困難。