莊韻澄擇好日 今剖腹生B
2021-03-27 00:00（星島日報報道）選擇在今日（27日）剖腹誕子的莊韻澄（Xenia，前名莊端兒），笑言兒子會更乖，老公想個仔易教又乖，加上好鍾意玩音樂，希望個仔有音樂天分。
腹大便便的莊韻澄，由師傅擇好日在今日剖腹誕子，令原本下月一日要出席的周末市集亦要缺席，但獲得拍檔兼好友翟威廉頂替。近年進軍飲食界的Xenia，與翟威廉老友鬼鬼，兩人的相識源於Xenia參與翟威廉的網上節目，有次得知Xenia搞市集不夠貨源售賣，而翟威廉的哥哥從事酒業銷售，所以促成了合作。現投資酒鋪的翟威廉，與Xenia合作無間，店內更售賣好友Xenia代理的鹹蛋黃魚皮。早前佐敦封區強制檢疫，翟威廉投資的酒鋪正在附近，生意亦大受影響。作為零售商的翟威廉，抱着樂觀態度指總有辦法，惟有減低成本，加強網上宣傳，相信會捱得過。談到代Xenia出席周末市集活動推廣酒鋪產品？他笑說：「多得莊韻澄呀！她成日搵到市集俾我，所有嘢由她安排，我就唔識安排，總之收到指示就會分配工作俾團隊，所以找我頂替她出席梗係ok啦！如果平時她做有空位多，都會搵我一齊合作，今次她忙於生仔嘛！哈哈。」
雖然面對疫情，但翟威廉會在逆市下租更大的貨倉存貨，他笑言貨倉內亦有位置擺放鹹蛋黃魚皮。他說：「最方便我唔夠魚皮貨，一call好快到，疫情下都要增加貨品種類吸引客人，個倉要大，反而酒貨會放在大角嘴店，希望吸引當地市民成為新客源。」問到逆市下再租倉可會增加壓力？他說：「唔緊要，橫掂壓力咁大，唔爭在！」
Xenia獲得好友翟威廉頂替出席活動，她大讚對方夠義氣，打個電話就一口應承。對於剖腹產子的心情，Xenia坦言心情好緊張，就連發夢都夢見生仔情況，亦感覺腹部好硬，因為子宮收縮關係，腹中BB可能知道快出世又會經常踢她。她說：「睇超聲波相，見到BB個鼻好高，應該似老公，三個月大時醫生話他個頭好大，但我個頭好細，醫生望住我老公話：「可能似你！」Xenia坦言好驚順產，擔心會給予自己好大壓力，導致情緒好差，所以選擇剖腹產子。她說：「選擇27日剖腹生仔，師傅話個仔會乖啲，我老公想個仔易教又乖，老公好鍾意玩音樂，又希望個仔有音樂天分，同埋呢日生會再旺我哋多啲。」準媽媽Xenia表示沒有聘請陪月員，皆因想有親身照顧兒子的經歷。她說：「我唔知仲會唔會再生第二胎，我亦唔鍾意假手於人，所以想自己經歷，好多人話我死梗，實無得瞓！雖然疫情下老公同家人唔可以來醫院探我，但唔驚寂寞，他們叫我爭取時間睡覺休息。」
關鍵字
最新回應