Sammi炮製療瘉新歌發放正能量

(星島日報報道)鄭秀文（Sammi）早前曾透露正在籌備新歌，近日新歌《萬物有時》終於正式曝光，而MV為以影像化感覺呈現歌詞意境，Sammi穿上印有歌詞的特製裙上陣，連指甲也塗上「歌詞甲油」，繼續帶領潮流。

Sammi早在一年半之前已收到《萬物有時》的音樂demo，「收到音樂部分之後，一直未搵到可以描述到自己心境嘅歌詞，直到收到依家呢份詞，個感覺就係『係佢喇！』」

為表達歌詞內容意境，Sammi跟MV導演莊少榮研究過很多不同構想：「結果我同導演細榮都有相同睇法，想用比較影像化嘅感覺去呈現呢首歌嘅意境，喺CG特技幫助之下，呢部分嘅感覺係比較深刻。整體希望帶出人喺生生不息嘅狀態入面，喺唔同境況期待萬物有時，喺每件事都有好嘅生機好嘅出路。」Sammi希望《萬物有時》並非只是一首普通流行曲，而是為大家療瘉。