Ian自嘲下巴成為吉祥物

(星島日報報道)MIRROR成員連日來均在社交網站發表完騷感想，江𤒹生（Anson Kong）特別鳴謝《調教你MIRROR》導師梁祖堯的幫助，令MIRROR更加團結；AK直言相當期待節目出街，皆因連高層金廣誠也睇到喊，並寫道：「希望到時都會感動到你哋，如果無，可能你哋同Edan（呂爵安）一樣係無淚腺。」Edan留言笑說：「我需要尋找淚腺。」Jeremy即笑謂要幫他預約醫生；Stanley亦笑指Edan冇得救！而阿祖亦轉發AK的帖文，預告節目將於下月7日首播，令一班鏡粉興奮不已！

此外，Ian上載一系列被隊友逗下巴的短片及照片，並留言說：「有理由懷疑我下巴係公家物件或者吉祥物，又或者潮流興逗我下巴。」Ian又高呼Anson Lo全名「盧瀚霆」搣面珠好過分，相當搞笑；而Anson Lo亦預告處男下海拍電影，空閒時更與AK齊齊玩「流鼻血Filter」，心情大靚！