梁祖堯爆Jer忍痛勁舞

(星島日報報道)梁祖堯自從與MIRROR合作《調教你MIRROR》後成為好友，演唱會後更發起「每日一鏡仔」行動，發長文論盡12位鏡仔。阿祖昨日上載與「新一代歌神」柳應廷（Jer）的合照，指自己與Jer同屬天蠍座，分外親切，又踢爆Jer在Camp中與Anson Lo及Anson Kong抱頭痛哭，相信真實的情感一定能感動觀眾。

阿祖寫道：「可能你哋唔會知道，Jer喺最後兩場演唱會，其實拉傷咗大腿肌肉，肩頸亦都拉傷了。當大家睇到佢《狂人日記》嘅時候，同呀Lo dance battle 嘅時候，箇中投入箇中瘋狂嗰種義無反顧，又有邊個知道其實佢出場之前都仲係好痛好痛呢？絕對尊重！」