保錡爆喊剖白感動觀眾

(星島日報報道)ERROR成員吳保錡憑《ERROR自肥企画》成功「洗底」，前晚播出一集，保錡跟著名音樂人Jason Kui學結他，更要在一個月內學識對方的名作《SPLASH！》，結果憑藉他對音樂的熱誠及天分成功過關！尾聲時，保錡發表感人自白，指自己之前忘記了對拍攝的熱血，因為只覺得「又係扮搞笑」，只想盡快收工，但拍攝《自肥》令他找回初心，全情投入！

保錡在節目內爆喊說：「呢個地方真係好難捱，可能又要畀人鬧，又會畀人抨擊，但開心囉，無論點都好，係你哋帶我出嚟嘅，多謝你哋！」此時「格仔導演」Mike見狀即上前與他擁抱，整個團隊亦很支持保錡，感動不少網民，而隊友阿Dee亦留言指睇到眼濕濕，更有眼利網民發現Mike導與保錡擁抱時，保錡女友沙律也在現場。