Anson Kong暖心短訊慰問姜濤

(星島日報報道)MIRROR成員江𤒹生（Anson Kong）昨日拍攝宣傳片，他慶幸腹肌在演唱會後仍「健在」，更踢爆Ian愛露肉但扮守身如玉，又指已短訊慰問姜濤，望大家給予空間及時間他沉澱。

人氣男團MIRROR成員江𤒹生（Anson Kong）昨日到西環拍攝跑步活動宣傳片，他透露中學時曾挑戰3000米，奈何用錯短跑方法，最後5個圈只能「行完」。

談到他完成演唱會後工作不斷，AK慶幸已算有時間休息，不像Anson Lo、Lokman、Stanley及Frankie等要馬上開劇及拍電影，自己已放肆了個多星期，狂打邊爐，猶幸腹肌仍健在。最近他也開始復操，皆因明年初會在劇集中騷肌，相信「生粉」定必流口水！

AK又指閒時有約Alton、Frankie及Anson Lo等做gym，但要約齊MIRROR甚有難度，笑言擔心齊人做gym會惹來騷動。他說：「最叫唔郁是姜濤、Jeremy就行動力低，阿Jer唔開騷都唔操嘅，哈哈！（Ian話遺憾無份騷肌。）原本他有份騷㗎，拍《男排女將》時已經操好副偈，開騷前也有操，只是調了rundown才取消，其實Ian都好鍾意露！（Ian自稱守身如玉㗎！）佢咪扮嘢啦！希望下次大家可以一齊除衫！哈哈！」

此外，談到姜濤近日在社交網站放負，寫上：「I'm tired of everything！」，令「姜糖」擔心不已。AK表示MIRROR隊友均有短訊關心，希望大家給予姜濤時間及空間去消化與沉澱。他說：「咁細個小朋友要面對這些難關不容易，所以大家都明白，短訊覆不覆也可以。」果然是暖男一名！