黎瑞恩再談離婚之痛感觸落淚

(星島日報報道)黎瑞恩（小恩子）接受TVB節目《單對單》訪問時，自言當年嫁入豪門生活自由，反而離婚後經常無故落淚，雖然看過心理醫生，但害怕食藥，最終靠好友梅小惠及李國祥陪伴，加上自己終於想通，才走出陰霾，更揚言好恨再拍拖。

小恩子透露，子女都支持她離婚的決定，認為只要她開心便足夠，更感觸落淚說：「我生完細佬，開完刀要返屋企休養，當時個女四歲，佢捉住我隻手祈禱，希望神賜我健康，好感動！」

小恩子又指全靠保持樂觀才能令腫瘤消失：「突然喺街度暈咗，才知道自己有病，這種病冇藥食，唯一辦法係要開心啲，真係好神奇。」