祖藍專心幕後自爆「息影」

(星島日報報道)TVB「首席創意官」王祖藍日前從內地返港，正接受隔離，他與馬來西亞女主持顏薇恩、潘毖伶開直播，自爆將息影，笑言：「冇演出啦！呢啲全部都係我嘅『遺作』。仲剩一套同阿Sa（蔡卓妍）兩年前拍嘅電影，到現在都未出街……嚟緊我都無作品啦，做咗管理工作之後，我哋呢啲老人家都冇㗎啦，最緊要培育下一代，無謂阻住個地球轉。」

潘毖伶說到近年荷里活流行拍攝管理層真人騷，問祖藍會否考慮？祖藍笑言：「首先呢樣嘢要其他管理層同意，如果其他高層都畀埋你睇……就真係好睇喇！咁多年TVB高層嘅謠傳係咪真？點樣雪藏一個人？我以前點被人雪藏？點樣加人工？點樣減騷錢？我終於知道點解……嗰啲拍出嚟真係好睇到不得了，但我真係接受唔到囉！」