張繼聰以糖利誘狂整蠱愛女

(星島日報報道)張繼聰又整蠱其4歲得意女張靖！昨日他上載片段，片中可見他以糖果引誘女兒就範，一直要女兒對他說「多謝大爺」。足足連講六次都未夠，張繼聰之後更不斷提出新要求，又要阿女邊講邊拱手作揖，又要阿女笑，又要阿女扮嬲，最後仲要嘟埋嘴，要不是有另一把男聲仗義執言說：「你唔好搞佢啦，你畀就畀唔畀就算啦」，睇怕張繼聰都不知還要提出多少要求才肯罷休。

可能阿女張靖都習慣了爸爸的整蠱，總之目的達到，拎到糖糖就頭也不回，拜拜你條尾，難怪張繼聰留言說：「依個老竇真係衰。冇囉，依家大個咗啲，玩佢唔倒嚕。不過重點係片尾，妹妹攞咗粒糖之後，即閃。」