梁思浩重返TVB 有家的感覺
2021-12-04 00:00
(星島日報報道)梁思浩與TVB決裂18年終放下仇恨,「破冰」回巢,主持台慶節目《通靈之王》。重返娘家開工獲同事送上愛的擁抱,享受家的感覺,連「視后」好友佘詩曼也搶着回來助陣,思浩也希望高層曾勵珍能開綠燈,讓他聯同好友自組班底拍劇。
多年來建立「東南亞鬼王」稱號,累積一班東南亞粉絲,有線電視功不可沒,思浩亦點名多謝,至於要向共事17年的公司請辭,他自覺難堪;加上有保密協議,事前跳槽一事隻字不能提,即使有日接到一位高層來電,關心他是否身患絕症,令他不知所措。今次獲TVB總經理曾志偉高調邀請回巢,思浩坦言:「返唔返對我生活唔大影響,主要是我同志偉好有共鳴,佢今日已經係總經理,如果唔做總經理,佢在內地求其做件事,都賺過千萬,點解要咁辛苦朝早9點返工、晚上11點先放工?因為我哋都喺TVB成長,有返母校感覺,有家的感覺,無論去邊闖蕩天涯都要返屋企。」
今次做節目,思浩自碌人情卡找嘉賓,他特別多謝佘詩曼支持,「佢好開心話你返TVB,好嘢『破冰』。我邀請佢做嘉賓一口答應,佢話在成都拍戲後返嚟就幫我手。」思浩指現時會開盡綠燈為公司効力,若拍劇的話,希望珍姐(高層曾勵珍)都開綠燈,充許他與黃宗澤、佘詩曼及苑瓊丹等好友合作,一齊玩幾個月。
眾所周知思浩與TVB高層有段恩怨情仇,他04年在事業高峰時被炒魷,他聲淚俱下直斥TVB無情無義,之後轉投有線展開《怪談》系列,一直撈得風生水起,其間仍多次隔空開火鬧爆陳志雲和樂易玲。思浩今次回巢,難免會再遇仇敵樂易玲,他直言對女方的怨恨亦早已放下,過去當作是人生經歷,尤其近年香港人經歷轉變,疫情令他學懂包容珍惜,「現在諒解大家睇嘢角度唔同,今日學識放下,但唔代表大家做唔到朋友,將個結解開咗,一切都快樂。」並表示欠樂小姐一個道歉。
思浩出名是幸運兒,人生曾中六合彩頭獎,早年經營甜品生意又賺得盤滿缽滿,不過自2016年起已放賣所有生意,直認獲得一筆可觀數字。篤信風水名利在高人指點下,抽身離場的他說:「我走甩咗一個好大危機,假設冇賣到,我諗成為咗破產藝人,一個人孭唔到咁多間鋪,送四個字給大家『順應天命』,回頭一看幸好自己沒拗氣,經歷全球疫情,唔單止破產仲會負資產。」
關鍵字
最新回應