森美幫丁子朗拉票：佢攞唔到我就引退

（星島日報報道）TVB《萬千星輝頒獎典禮2021》將於明晚在電視城舉行，一眾五強候選人早前打扮靚靚為頒獎禮拍攝場刊，其中丁子朗第四度提名「飛躍進步男藝員」，而入圍「最佳男主持」的森美為丁子朗拉票之餘不忘搞笑：「佢已經飛躍咗好多年，如果要提名第五次的話，我就決定離開娛樂圈。」子朗坦言：「非常開心畀公司見到我仲係進步緊。」羅天宇同樣非首次入圍男飛躍獎，他笑言不敢多諗，覺得今年胡鴻鈞好大機會。

至於一眾女飛躍候選人則明顯較佛系，JW（王灝兒）笑指自己「零緊張」，有提名已經贏了，她表示支持陳瀅，同時見到姜麗文好犀利，指對方一直好勤力。銳意挑戰最佳衣着藝人的陳瀅，笑指當前急務是減5磅；王敏奕則對獎項表示隨緣。另外，首度擔任主持即入圍「最佳男主持」的鄭子誠形容是夢想成真，笑言得悉殺入五強時，還以為是被整蠱。