七仙羽麥玲玲拍住搵錢過肥年

（星島日報報道）兩大「玄學天后」七仙羽與麥玲玲破天荒齊為廣告同場合作，二人在宣傳片中高手過招，最終齊齊擺出心心手勢，笑道：「師傅愛晒所有人，福氣當然齊齊分。」雖然因同行而被比較，七仙羽更被指是賀歲寵兒，但麥玲玲未有介懷，表示一直希望有機會攜手合作：「出面成日傳一山不能藏二虎，今年是虎年要打破這個傳統，所以屈臣氏蒸餾水找我和七師傅合作，聽過個故事又不錯，所以就應承做一個客串嘉賓，同七師傅玩下，最緊要一團和氣，整個拍攝亦好開心。」

七仙羽則表示：「之前曾經有記者問過會不會同玲玲師傅合作，當然可以合作，大家是同行，我永遠視同行如朋友，應該互相扶持互相合作，我亦不怕別人作比較，最好一齊拍廣告齊齊搵錢，正所謂水為財，就是win win。」