AK Alton醉爆泳池派對 捱凍落水

（星島日報報道）MIRROR副隊長Anson Kong（AK）孖隊友Alton（王智德）推出合唱歌《REBOUND》，早前出動過百人拍攝MV，卻因有工作人員染疫而釀幾位參與拍攝的歌手相繼確診，爆發MV群組。《REBOUND》MV前晚正式上架，眾人大跳大唱的熱鬧畫面終於曝光，不但出動超跑，更有泳池派對，當然少不了晒腹肌，連花姐都「出場」。
在新歌的MV中，AK與Alton大玩醉爆泳池派對，兩人要落水拍攝，Alton笑言：「自從經歷拍攝電視劇《i.SWIM》後，2月落水都唔係新鮮事，入過少林寺就係入過少林寺，我冇問題呀！只要懷住一股勇氣，就可以解決所有問題。」AK則笑言：「我屋企個浴缸冇咁深，好難事先練習，夾硬都會解決到呢件事嘅！」
MV是在一間酒店取景，不過疫情嚴峻，拍攝期間卻爆出MV染疫群組，有份參與的C AllStar成員陳健安（On仔）、樂隊ONE PROMISE成員Anton及天衡都受感染，幸眾人都已無大礙。
AK與Alton希望新歌能帶給大家歡樂，MV以派對熱鬧氣氛，有辣跑、有舞跳，滿足男士們開心願望，當中以倒敍式講述兩人醉醒後忘了前一晚的事，再倒帶想起在派對玩到忘形跳落泳池。最搞笑連經理人花姐都有「客串」，但僅止是花姐追魂Call的來電顯示畫面。而Alton前晚也在社交網邀AK齊齊玩直播同「鏡粉」互動，表現佻皮冧爆粉絲。