羅樂林康復出關 遊走九龍城
2022-03-09 00:00 
羅樂林上月因開工前接受了快速測試後初步確診，當時只有輕微流鼻水病徵的他選擇在家休息養病。事隔兩星期，羅樂林前日首次露面，被本報發現他於下午五時許現身九龍城一所家品店，見到他獨自一人拎住一袋物品，穿運動風衣及長褲「買餸Look」隨性示人，他更戴上口罩及黑超作雙重防護，保護自己也保護他人，精神不錯的他似乎已完全康復。
與店員近距離交談
羅樂林在家品店逗留了好一段時間，不斷打量貨架上的物品但仍未有心水，於是向店員打招呼問意見，兩人企得頗接近，聽過對方介紹後便禮貌點頭，再逗留了約十分鐘，最終未有斬獲離開。羅樂林是九龍城區常客，經常在該區買餸，難怪路過不少商戶時都有店員向他打招呼，他亦有點頭回應。
因應有演員不斷確診，電視城為慎重起見續停劇集拍攝，只有限度地恢復部分拍攝，「大小姐」林淑敏與拍檔許家傑前日為處境劇《愛．回家之開心速遞》開工，至於「大龍生」羅樂林何時歸隊令人關注。
做好準備隨時復工
本報聯絡羅樂林問及康復狀況及何時歸隊？他接受電話訪問時稱：「身體一直都OK呀，無乜嘢，其實身體一直都無嘢，相信好快可以開工啦，但始終安排要睇其他演員，我自己就隨時都可以開工的。（期間病情有變化？）無，其實身體一直都好正常，只係當日剛好有少少鼻水，一直無其他病徵呀！」羅樂林稱「初步確診」後每日都有做快速測試，但從未再有陽性結果，他說：「我完全無嘢，邊有嘢？！當時監製話睇到有條好淺嘅綫，咁佢哋話係就係，始終都係穩陣起見，因為劇組有同事中了，所以都隔離吓，日日都在屋企10日無出門。（有冇叫囡囡或其他人幫幫眼？）無啦，檢測結果日日都會Send返公司，佢哋會睇到。」羅樂林稱，相信公司是慎重起見，保護年紀比較大的同事，始終他聽身邊朋友講，有些人染疫後會沒有病徵，但他覺得身體情況好好沒有受感染，提到目睹他到九龍城購物，他稱只是買藥及日用品，買完便即刻回家不敢四處走。問經此一「疫」後，會否更擔心被感染？他表示電視城經過消毒便不擔心，他說：「因為都要做快速測試，入化妝間前都有得做，否則無人幫你化妝整頭，總之現在等公司安排。」
關鍵字
最新回應