惠州4.1級地震 震撼香港演藝圈

（星島日報報道）昨日凌晨2時28分惠州市惠東縣海域發生4.1級地震，不少香港人在同時間也感到有數秒的震動，不管大家能否有感受到這份大自然的震撼威力，已成為昨天社交平台洗版式熱話。天后鄭秀文更被這次地震「震醒」，即時上社交平台問大家有否感受到。軒仔(張敬軒)同樣地問大家是否感到地震，還唱了幾句《餘震》來應景，更貼文「半夜地震震到呆一呆揮手區」引來不少藝人舉手和應。
樂壇天后鄭秀文(Sammi)昨晚在睡夢中也被震醒，她即時在社交網貼出一張戴上眼鏡在牀上睜大雙眼驚訝照片，還問大家：「Feel到地震，差不多响凌晨2:30，有郁動兩三吓，你哋有冇feel到？#地震#以為feel錯。」彭秀慧力證不是幻覺，葉佩雯就話個心離一離，連詩雅及一眾網民都留言表示，同樣感受得到。
軒仔轉做地震KOL
同樣感受到這次地震的張敬軒(軒仔)即時在限時動態中貼文：「有冇人知啱啱...係咪地震...咗兩三秒，我以為自己半夜肚餓，餓到震親個（杯）。」還唱了幾句《餘震》來應景，之後他再留言：「半夜地震震到呆一呆揮手區 #對面屋企隻狗仔喪叫到依家#震到我諗到個答案#應該唔會有餘震#因為餘震喺我度。」當然引來不少藝人和應，張繼聰「舉手」附和，更說：「成張牀都郁咗一嘢，大佬！」 朱薰笑指，軒仔可以轉做地震KOL、連配套嘅歌都有埋。 
On仔疑確診後遺症
關智斌(Kenny)在個人社交網貼出早餐照並留言：「經過尋晚嘅地震，經過尋晚收到好多嘅訊息，經過今朝收到好多嘅問候，我發現...我嘅睡眠質素真係好好，Sleep like a pig Good morning」。而李靜儀和張紋嘉也「舉手」表示感到地震。C AllStar成員On仔（陳健安）上載了一臉疑惑的相片，並留言：「我feel到，你feel到？以為係新確診後遺症，大腦搖晃。」