陳葦璇敏感休克急送ICU

(星島日報報道)《全民造星III》亞軍得主陳葦璇前日於社交網限時動態自爆因敏感性休克，被緊急送入ICU。葦璇透露病發經過，表示飯後兩小時偕男友去跑步，跑了十幾分鐘後，她戴着口罩見熱便除風褸，未幾臉部開始痕癢，以為出風癩便停跑，當打算返家之際隨即病發。
陳葦璇在社交平台發文稱：「好快全身都好痕，臉已經開始好腫，我行行吓就開始暈，好彩啱啱男朋友陪我跑，唔夠一分鐘我已經由暈暈哋但行到，變到要瞓喺地下休克狀態，我聽到有幾個人行咗過嚟幫手，但已經睇唔到嘢，唔知自己去咗邊咁，佢好快call咗白車，好快到咗，都好快去咗醫院，唔知係咪因為太凍，我由白車去到醫院都係咁震，醫生幫我打咗針，我開始有番知覺講到嘢，佢話我係敏感性休克，雖然未知敏感原係咩，但啱啱血壓太低要留院觀察，咁大個女第一次去深切治療部。」幸葦璇沒大礙，當晚已轉普通病房，昨再發文報平安指敏感全退，精神不俗並已出院。