193斥200萬圓Cafe夢 專吸女生打卡

男團ERROR成員193（郭嘉駿）向來有生意頭腦，瓣數多多，最近就和三位中學同學合資開設日式精品咖啡店。Cafe現正於試業階段，並將於本月10號正式開張。由於193想盡量低調，昨日他就戴着面罩化身「狸貓俠」現身為新店宣傳。
近年193密密接廣告，吸金力驚人，一向上進的他終於完成開Cafe的夢想，不過在生意上就希望低調宣傳，一向搞鬼的他蒙面化身「狸貓俠」，強調自己是以郭市民身分接受訪問，認真搞笑！被問為何會有開Cafe的念頭？郭市民（193）表示平日放假很喜歡跟其中一位拍檔到不同的Cafe打卡，去旅行亦會試好多不同的咖啡店︰「起初唔係好識飲咖啡，淨係睇裝修環境，諗住chill下去打卡影相，最後就有呢個idea，都諗咗兩三年，但一直都未有動力去實行，今日終於可以實行到。」
親自負責市場宣傳
為實現開Cafe夢想，他自爆今次投資了近200多萬元，可謂落重本裝修，笑言：「呢到睇落好似好噏耷，但係其實都成千呎，地磚不是買現成的，而是人手逐塊黐上去，因為想用多點本土及手工材料，希望大家睇得出與現成有分別。」193更謂Cafe的裝修預計會吸引好多女生來打卡，笑言如果有男仔想「溝女」都可以來這裏。
此外，受第五波疫情影響，連累Cafe正式開幕日期一拖再拖，但租金仍要照交，193保守估計淨租金已白蝕近20萬元。但隨着社交距離措施逐步放寬，加上Cafe有很多全港首發的概念，拍檔表示有信心可以回本，更揚言目標一年至年半內，193聽了後當堂打了一個凸，笑言：「咁保守？我諗住兩三個月喎！」193更透露已有計畫開分店，每間分店都有不同特色主題，而這間店鋪便是以太空艙為主題。
193更揚言對於Cafe的招牌美食Brunost cheese croffle很有信心，是他在網上發現的︰「疫情去唔到旅行，我就經常上網睇日本韓國的Cafe𠵱家興啲乜、有咩打卡靚，可以呃到錢！」韓國非常流行，將牛角包整成一個窩夫餅，上面加了雪糕cream同埋brunost cheese，193說：「應該係香港唯一一間Cafe有做，第一次試已經覺得好好味，當中的挪威特產山羊乳酪芝士，香港冇供應商，貨源亦非常難搵，要就船期運來香港，所以Cafe亦會限量供應！」他還表示原本邀請了ERROR兄弟隔日來試咖啡，但大家都忙開工，更自嘲只有自己不用開工。最後193表示自己在Cafe的崗位主要做marketing的宣傳工作，所以「冇乜嘢做」，而Cafe更會推出T恤、杯等精品。