湯怡自揭產後嚴重脫髮

(星島日報報道)新手媽咪湯怡日前在社交網限時動態跟網民玩「你問我答」，齊齊傾湊BB心得，當中有網友談到自己產後出現脫髮問題，大受困擾，原來湯怡也遇到同一煩惱，她大方為網友安撫脫髮恐慌，更不介意在鏡頭前曝光自己髮綫向上移的照片，自爆在產後半年就開始出現脫髮。
湯怡大方談到自己由脫髮到重生過程：「產後脫髮呢個事實好似真係改變唔到，只係睇下有無產品可以幫助甩少啲，我係產後半年先甩（髮），之前一洗頭都嚇親自己，成個髮隔都係頭髮，日日如是，諗緊仲有幾多頭髮要甩，不過生返出嚟啦，之前勁多天綫（新髮絲），生到好似無啦啦短咗一忽咁，但過多一兩個月就融為一體，所以你唔使驚呀，係時間㗎咋。」