娜姐長假期有感：病都要合時

（星島日報報道）女神周秀娜近日忙於與黃宗澤（Bosco）拍攝新劇《疊影追擊》，但受天氣變化影響，加上經常要到偏僻地方拍外景，令她近日飽受被皮膚敏感困擾。前天（18日）她在社交平台晒出頸部、胸口和手腳生滿紅疹的照片，看來非常嚴重，相當痕癢。她表示上星期因為敏感已三度求醫，稍稍有好轉後，上星期五穿上一套全新包到冚的戲服後又再次復發，今次連打針食藥都沒有幫助，她慘呻寫道：「全身痕到瞓唔到，第日起身即刻去睇醫生，同一隻抗敏藥，同一隻藥膏加大藥效都係冇用，夜晚再去睇多次醫生，打咗支針再食埋類固醇……今日起身依然都係咁。」
最後娜姐無奈表示：「講咗咁多，總結係病都要合時，公眾假期冇專科，鬼叫你病咩，你估我想㗎！」不少網民都紛紛留言戥女神心痛。