黃宗澤買餸時收喜訊 得知獲海外獎好淡定

（星島日報報道）黃宗澤（Bosco）憑劇集《非凡三俠》衝出國際，奪得紐約電影電視節2022「最佳男主角」優異獎，他開心表示一定要多謝導演鄧衍成（Billy），因為是對方的遺作，算是對他有個交代。Bosco憶述第一次收到入圍通知正是愚人節，笑問樂易玲是否大整蠱，直到得到對方證實後才眼濕濕，「做演員咁多年，無想過會在國際盛事上有提名，通知我有獎時，自己啱啱買𡁵餸，收到電話時好淡定話『係咩？哦！』返到屋企食完飯才打畀朋友！我一向都無諗拎唔拎獎，當唔諗時反而有獎，係一個震撼彈！」疫情下頒獎禮改為網上形式進行，Bosco坦言有點可惜，但有獎開心之餘亦是一個肯定。
此外，早前他在社交網透露整傷膝蓋，原來是拍《疊影追擊》時有多個從高處跳下的動作，導致膝頭的骨頭移了少少位，軟組織有些發炎，雖然醫生建議停工一周，但擔心影響拍攝的Bosco仍然頂硬上。