劉德華赤腳拖地手勢純熟

（星島日報報道）天王劉德華近年長駐內地工作，早前單立文到內地跟劉德華合作新戲，大爆對方非常有排場，至少有2名保鏢及8位工作人員跟身，相當架勢。但原來華仔私底下亦是一個住家男，昨天（6日）他在抖音上載了一條做家務的短片，片中見他穿上一身灰色家居服並戴上口罩，拿着地拖在睡房拖地，不論牀下底及每一個角落都非常細心，拖得一乾二淨，而他拎地拖的手勢更是有板有眼，似乎平日也有做家務的習慣；打掃完畢後，華仔更望向鏡頭，露出親切的笑容揮手打招呼，短片上載6小時已火速吸引逾200萬人點讚，更有不少網民大讚60歲的華仔，動作敏捷、全冇老態，手臂上明顯有肌肉的綫條，保養得宜。
另外，華仔的豪宅罕有曝光，片中所見房間非常闊落，加上落地大玻璃，視野開揚；同時亦有網民搜尋華仔同款睡牀的價格，也只是約2,000元，不少人都紛紛留言大讚天王貼地親民。