新盤頻推帶動 屋苑問盤睇樓上升

（星島日報報道）新盤空群而出主導大市，加上佛誕及母親節長假期，吸引市民外出睇樓，令問盤及睇樓量均上升，惟個別業主心急放售，以低市價5%沽貨套現。

港置高級區域董事胡耀才表示，各區新盤搶攻，樓市氣氛向好，帶旺二手睇樓，過去周六日啟德睇樓量較上周同期增約10%。當中7成自用，上車及換樓各佔半，另3成屬投資者。買家加快拍板，業主議幅已由上月5%，縮減至現時只有2%至3%。

美聯助理區域經理黃遠基指，過去周末九龍灣睇樓量比上周同期多一成。睇樓客以上車用家佔7成最多，其餘分別為換樓客及投資者。
太古城980萬沽低市價5%

但部分屋苑仍錄低市價成交，美聯區域營業董事施衍銘稱，鰂魚涌太古城本月首周已錄5宗成交，而長周末新錄低市價成交，為南山閣低層G室，面積582方呎，獲用家以980萬購入，呎價16838元，低市價約5%。據悉，原業主因為擔心加息，看淡後市，加上單位位處低層，裝修普通，故以低價沽貨。

利嘉閣聯席董事吳玉蘭稱，鰂魚涌逸樺園錄本月首宗成交，為2座低層B室，面積752方呎，原業主已離開香港，並授權在港親人代簽賣樓。單位原叫價1750萬，由於急售，故因應市況逐次減價，最終減至1500萬易手，呎價19947元，低市價約5%。

交投回穩，個別業主SSD鬆綁不久即沽貨。世紀21奇豐分行經理張翠珊表示，馬鞍山泓碧2座中層G室，面積473方呎，向西北望海景，放盤3個月，減價85萬，以895萬沽出，呎價18922元，屬市價。原業主持貨3年，本月滿SSD期鬆綁即沽售。
泓碧SSD期滿895萬沽

祥益高級分行經理林家倫指，天水圍嘉湖山莊景湖居7座高層H室，面積547方呎，自去年12月初開價670萬放盤，近日獲上車客垂青，第一次睇樓便即時還價，以613萬承接，呎價11207元，屬市價。