「神經刀」CY獲「雙古」睇好闖娛圈

（星島日報報道）以藝名陳澤言參賽《全民造星III》的CY（陳宗澤）打入十強，他憑實力唱功和自帶天然呆被外界形容為「神經刀」，賽後獲多間大唱片公司虎視眈眈，CY磨刀兩年，今年決定以真名陳宗澤再出道，簽約成為古天樂與當年「新五虎」兄弟古巨基合力打造新公司One Cool ChillGOOD旗下首位歌手，昨日宣布推出首支派台歌《神經刀》，CY獲「雙古」合力助攻樂壇和影壇，前途無可限量！
「神經刀」CY當年在《造星III》決賽因一句「我把聲係咁」而成為熱話，入行後除了擔任《囝囝女女730》主持，又獲前輩關心妍邀合唱歌曲，更獲導師彭秀慧邀請參演執導電影《阿媽有咗第二個》，機會不斷。其實CY一直由姑姐擔任經理人，不過昨日宣布CY出首支派台歌《神經刀》，成為One Cool ChillGOOD旗下首位歌手，單看公司名字，聯想到老闆有古天樂之外，還有開設網上頻道ChillGOOD TV的古巨基和經理人太太陳英雪（Lorraine）。
古仔太太任經理人
古仔和基仔當年齊齊受TVB力捧，聯同吳家樂、劉愷威和何遠恒被捧為「新五虎」，基仔舉行《古巨基WE我們世界巡迴演唱會香港站》時，古仔亦曾與其餘三虎一同擔任嘉賓，合體唱《當年情》撐基仔。據知基仔打本千萬給太太開網上頻道，今次亦全力在資金上撐太太，出面促成和古仔的公司合作，捧太太做全能經理人。知情人士透露：「開呢間公司之前，佢哋籌備、物色新人已兩年，之前古太在一個活動上認識CY後，覺得他是可造之才，將CY介紹畀古天樂，之後積極同CY傾合約細節。CY之前覺得自己未ready，拒絕過好多間唱片公司，但今次公司誠意同合作默契好好，他落筆簽約之後，公司隨即安排CY拍電影，又搵嚟強勁音樂班底幫他製作第一首派台歌《神經刀》。」
CY跟雙古洽談已大半年，首支派台歌《神經刀》幕後製作班底強勁，由黄偉文填詞，吳林峰作曲，監製和編曲重任由王雙駿(Carl)負責，MV製作團隊亦由提名香港電影金像獎最佳美術指導的張蚊，夥拍第六屆首部劇情電影計畫《電競女孩》導演Veronica Bassetto聯合執導，邀Jessica(陳苡臻）飾演女武士，CY在MV跟她更有纏綿場面。