汪阿姐呻機關多綵排少 張繼聰為AL Edan抱不平

（星島日報報道）MIRROR紅館演唱會開騷前後意外頻生，第四場更出現嚴重意外，其中一位受傷舞蹈員阿Mo（李啟言）傷勢嚴重，有份欣賞頭場演出的汪明荃和張繼聰都表示當晚已覺得舞台危險，綵排不足，阿聰又代Edan（呂爵安）和Anson Lo（盧瀚霆）抱不平，指他們專心演出，未能及時意識到意外發生，更指他們正承受很嚴重的創傷。
汪明荃（阿姐）前晚在活動上表示當晚已覺得舞台危險，「條橋好似唔穩陣，同埋Anson Lo幾個動作、向後倒，其實都好危險！我哋做大戲都有做，但個底就會鋪好多榻榻米，佢哋好似冇。」阿姐希望受傷的舞蹈員能大步檻過，稱看過意外片段後都覺得不安。阿姐又指MIRROR雖是當紅團體，但大型演出的經驗不多，她認為在四面台表演已經不簡單，而且今次又多機關，「MIRROR已經人多，再加上舞蹈員，根本唔夠位跳，啲位太逼、機關太多，佢哋排練時間又少，一下子上台要記咁多，但又唔熟個台就好容易行錯，其實佢哋個騷未準備好，但我都睇得開心，佢哋好年輕，好有才華。」又說主辦單位一定要對事件負責到底。提到當年林子祥為她擔任演唱會表演嘉賓時發生意外，阿姐說：「當時觀眾好興奮，佢戴咗耳機聽唔到，一直向後退跌咗落去。」她又透露羅家英有聯絡Edan，自己就有問候ViuTV高層金廣誠，不過可能對方忙於善後，未有回覆。
籲停止揣測和傷害
同樣有份欣賞頭場演唱會的張繼聰，昨日在活動上直指MIRROR綵排不足，但不評論太多，自己看過意外片段後都睡不好，希望阿Mo早日康復。而事後阿聰都有傳訊息給MIRROR，稱現在最好給他們時間及空間：「好戥佢哋難過，佢哋嘅痛苦係大眾都唔會明，佢哋承受緊好嚴重嘅創傷。」對於有網民指Edan與Anson Lo在事發後仍繼續唱歌，阿聰指這就是表演者需要承受的難處，「佢哋當時正在表演，處於好亢奮嘅狀態，所以我都幾肯定佢哋唔知5秒內發生咩事。Anson Lo、Edan同阿Mo嘅關係，一定比我哋任何一個人更加密切，點會唔難過？大家不會知表演者要承受嘅嘢，作為一個同行，我只係覺得佢哋好慘，呢一種執生係超越咗我哋平時可以執生嗰種，去到咁大件事，點會反應到？」並指舞台上的每個人現在仍處於一個很痛苦的狀態，希望大家不要再用自己的揣測傷害他們。