許廷鏗開騷：入行12年唔容易

（星島日報報道）許廷鏗（Alfred）一連兩晚的《【in the round】ALFRED HUI 許廷鏗 LIVE 2022》，於前晚假九展Star Hall舉行頭場演出，這次是Alfred獨立發展後首度舉行個唱，自然花盡心思去製作，並邀來per se、吳林峰、鄧小巧、《全民造星4》的WinWin及CK擔任嘉賓，讓演唱會極盡視聽之娛。演唱會中更貫徹了「in the round」的概念，以Catwalk配以圓形舞台的設計，將Star Hall變成四面台，讓觀眾可以從不同角度欣賞Alfred的演出。
與觀眾握手合照

Alfred在台上有感而發道：「對於我嚟講，入咗行呢12年並唔容易，縱然大家會覺得許廷鏗嘅音樂仕途都好順利，但其實同大家一樣，尤其喺呢兩年係非常唔容易。多謝你哋今日嘅出現，對於我同成個團隊有好大鼓舞，今次喺Star Hall搞個4面台仲要係圓形舞台，以一個劇場形式去唱新歌，希望大家會喜歡我嘅新作。」演唱會下半部，Alfred大唱自出道以來的經典歌曲，更與觀眾握手兼合照，由於在過去三年未有試過這樣「零距離」的互動，Alfred這舉動掀起了全晚的高潮。