子華拒搵Do姐客串

（星島日報報道）黃子華、林保怡、謝君豪等前晚出席賀歲電影《毒舌大狀》群星首映禮。被問到可有票房壓力？子華笑說：「好興奮，冇乜好緊張，冇嘢要決定我人生未來喎，只是一部戲。」保怡相信能超越子華上套作品《飯戲攻心》的7,000萬紀錄，問到目標數字？保怡笑說：「9,000萬望一億啦！我講嘅！」
提到鄭裕玲（Do姐）聲演另一賀歲片《超神經械劫案》，令這對《男親女愛》CP賀歲檔「打對台」，子華笑說：「係咩？客串吓我部戲都好呀！佢做律師都幾勝任，不過我唔會畀佢過嚟，一陣搶晒我戲，又要好準時收工，有心理壓力！」問若票房達標想如何慶祝？子華笑言會用另一部戲慶祝，但講到《飯》也未拍續集？他說：「講就易，但諗一套戲真係唔容易！」