李幸倪加盟英皇 新歌形象大變身

（星島日報報道）李幸倪（Gin Lee）去年約滿環球唱片後決定離巢，當時曾盛傳她將會過檔英皇娛樂，但一直未有定案，昨日終於正式宣布好消息，Gin Lee正式加盟英皇娛樂，而為了新一年全程投入音樂，她更將大馬的家人接來香港定居，Gin Lee坦言今次決定重大，亦很滿意「轉會費」。
李幸倪出道13年，決定今年踏出一直以來的舒適圈。問到簽約新公司的契機，Gin Lee表示接觸過幾家不同公司，在整個過程中，她覺得英皇娛樂誠意十足，同時亦跟她的理念一致，「我覺得最重要係大家嘅方向同理念一致，接觸過咁多家公司後，EEG同我嘅方向係最接近，方向好清晰，大家有共識未來嘅方向。」
接父母來港居住
除此之外，Gin Lee表示高自由度亦是她簽約原因之一，「新公司俾好大、好大嘅自由度我，特別係音樂同形象上面，完全係100%信任我！令我覺得好舒服。另外，亦都可以同好多唔同嘅音樂單位合作，好有新衝擊。好似我首新歌，終於等到時機可以同Wyman合作。大家嚟緊可以留意我新歌與形象，都會有好大嘅轉變。」新一年新開始，為了全程投入音樂事業，Gin Lee更將家人從馬來西亞接到香港居住，「以往喺香港工作，都會擔心喺馬來西亞嘅屋企人生活成點？雖然會打電話同face time，但始終自己唔喺佢哋身邊，都會有擔心，現時接咗佢哋嚟香港住，我就可以投放晒精神喺事業上，所以今次其實係一個好大嘅決定。」提到「轉會費」，Gin Lee直言滿意，「當然唔係單單因為酬勞，係所有配套，係一個整體嘅package。」
Gin Lee又謂雖然加入英皇娛樂只是一段短時間，但她已感覺到，無論是藝人還是同事已像大家庭一樣。問到最想跟公司的哪一位藝人合作？Gin Lee坦言希望可以跟公司不同的藝人合作，「無論喺音樂上定係電影上，而且好多歌手都認識咗好多年，一直都冇機會合作，所以希望嚟緊同大家有多啲交流。」
英皇藝人齊聲歡迎
對於Gin Lee加入EEG大家庭，藝人們都十分開心並有望合作。容祖兒：「好高興Gin加入EEG大家庭，好開心公司又多一名猛將。我都好欣賞佢，我都有留意佢嘅歌㗎。」張敬軒：「好開心Gin加入公司，之前一直都無機會合作，現在可以諗吓大家有咩crossover，我知佢平時都有作曲，希望將來有機會唱到佢寫嘅歌。」蔡卓妍：「公司多一名實力唱將加入梗係開心啦，希望佢嚟到新公司可以感受吓我哋大家庭嘅溫暖。」古巨基：「我覺得Gin係一位好有才華嘅女歌手，除咗唱歌好聽，自己仲識得作曲，好開心佢嘅加入，希望有機會合作。」