陳慧琳自揭面部留疤痕未消腫

（星島日報報道）陳慧琳（Kelly）昨日在社交網分享自己為著名鐘表珠寶品牌拍攝的兩輯全新造型照，亦是她於去年底攜大仔劉昇出外撞車擦傷面部送院後，首度正式復工露面。相中Kelly明艷照人未見任何傷疤，但她坦言拍攝當日心情戰戰兢兢，擔心面上傷痕影響效果，可幸拍出來非常滿意，笑言兔年行好運。
去年12月16日，Kelly與13歲大仔劉昇由司機開車載離加多利山寓所時與對面綫一輛私家車迎頭相撞，Kelly母子均面部擦傷並送院治理。養傷大約一個月，Kelly終於復工露面，昨日她在社交網上載為鐘表珠寶品牌拍攝的全新造型照，黑色露腰以及白色露肩兩輯造型，既高貴又性感，完全不覺Kelly面部有傷口，依舊明艷照人。
樂觀心態迎接工作
Kelly在社交平台留言：「車禍後第一個photo shoot，塊面未完全消腫，仲有啲『乸』。我知道需要時間康復，但係時間唔等人，而這個工作亦是撞車之前已經接咗，無辦法，惟有抱住樂觀嘅心態迎接工作。」
當日仍然負傷拍攝的Kelly更坦言自己是懷着戰戰兢兢的心情踏入品牌位於太子大廈的旗艦店，「一入門口就見到王丹妮喺度影緊相，成個團隊同我打招呼，Hello……心諗佢哋好似見唔到我撻瘌喎……Yes，過咗第一關。」她又提到接着品牌的同事拿出一盤盤剛到港的珠寶給她試戴，她就瞬間忘記自己的傷勢並進入工作收態，「Wow，極速唔記得咗自己仲有受傷。唔知係唔係兔年行好運嘅關係，竟然鏡頭出嚟好靚喎，遇上好嘅攝影師、好嘅燈光、好嘅場地，極速超額完成！最後祝大家兔年吉星拱照，最緊要出入平安。」
Jeffrey限定金髮留影
是次Kelly應鐘表珠寶品牌邀請，聯同一眾時尚新星王丹妮、廖子妤、盧慧敏（Amy Lo）、林愷鈴、魏浚笙（Jeffrey）、柯煒林與王晴俊（Matt Force），親臨品牌位於中環的全新旗艦店，率先參觀並佩戴名貴首飾及腕表。眾星表現出各自不同的氣質，有性感也有型格，當中Jeffrey就在社交網分享造型照，透露是其在染回深髮色前的最後金髮形象：「最後限定金髮留倩影，同金光閃閃的店鋪裝潢襯埋一齊」。