定欣新劇亦正亦邪 為報仇一忍再忍

（星島日報報道）胡定欣、黃宗澤、吳卓羲、蔡潔等主演的劇集《廉政狙擊》於下周一首播，定欣劇中女強人角色亦正亦邪，她坦言相當有難度；首度和定欣同劇演出的蔡潔，自爆在入行前其實已同定欣「合作」過。
《廉政》早前已在內地率先播出，定欣的角色為報仇不擇手段，亦正亦邪令網民眼前一亮。被問為打造女強人角色，造型上有否給予意見或出動私伙？定欣說：「今次服裝都由劇組服裝指導負責，雖然第一次合作，但係都好夾，佢為我安排嘅衫完全畀到我有做老闆嘅感覺！」
由於角色立體兼別具層次，不但有慘痛成長經歷及過往，為人有心計亦有情有義，令定欣成功在內地播映期間贏盡好評，她受訪時坦言角色相當有難度：「呢個角色好多時都需要忍耐，咁先可以達到佢嘅終極目的，就係討回公道！而最難亦係忍耐，過程中會遇到好多刺激到佢嘅嘢，例如要忍住啲壞人忍到最後一刻，同埋不能和失散多年的至親相認，感覺係幾辛苦，加上個角色的過去都好沉重，自己作為觀眾去睇（故事）都感受到好多傷痛！」
同蔡潔早有合作
而定欣身邊，由三大靚女蔡潔、陳庭欣、莊思明及型男古天祥組成超強兵團亦有睇頭，和蔡潔互動最多，雖然首度同劇，但原來早於蔡潔入行前，二人已「合作」過，蔡潔透露：「我喺澳洲選完美之後，在一家華人雜誌社寫專欄，喺入職唔知第一定第二個月，定欣去咗澳洲，我就採訪咗佢，嗰時佢篇專欄係我寫嘅，亦算係我喺嗰間雜誌社寫嘅第一篇藝人訪問，所以都幾有緣，我一直覺得佢好專業好靚。」蔡潔更感激定欣在去年台慶時幫她挑選戰衣。