提小方即落閘 定欣：要啱一早啱咗

（星島日報報道）胡定欣、高海寧（高Ling）、黎諾懿等昨日出席「2023 鴨脷洲洪聖傳統文化節」，定欣放水燈祈求身體健康及心想事成，希望2023年姻緣能有成就，更坦言身邊有男士出現，不過需要時間認識。談到方力申爆游泳隊隊友當年對定欣有意思，定欣表示認識對方，但沒有發展，更坦言入行前已認識小方，在《廉政狙擊》中飾演小方的後母，感覺很奇妙。至於兩人可有機會發展？定欣即落閘說：「要啱都一早啱咗，都咁多年，即係唔係啦！」
同場高Ling祈求身體健康、事業與姻緣有成就；黎諾懿就求身體健康，已減少飲酒及亂吃，更大爆高Ling經訓練後酒量愈來愈好，又指對方多追求者，高Ling則說想找個適合對象很難。