姜濤回復精靈 晒瘦面成果

（星島日報報道）姜濤閉關兩個多月，早前終於現身和MIRROR兄弟齊人出席活動，當日姜濤明顯比出席《叱咤》頒獎禮時消瘦不少，訪問時更輕鬆大方回應買樓傳聞。據知姜濤繼續為腳傷做物理治療，亦已全面復工，除了密密為新歌錄音，又忙拍廣告和為新電影作準備。
雖然姜濤久沒在社交網分享生活，但近日他身邊的髮型師、造型師和工作人員就在社交網發放多個限時動態，見姜濤鬼馬地對着鏡頭擺出可愛表情，又用不同濾鏡自拍，其中一張更搞笑用盧瀚霆經典流鼻血濾鏡。照片中可見姜濤絕對是靚樣返晒嚟，不少「姜糖」笑稱要在社交網和姜濤捉迷藏，直到前晚9時多，姜濤終於現身自己的社交網限時動態發自拍，狀態大勇兼且「開心仔」上身，相信「姜糖」一定發個好夢！