馬明改口叫靚湯老婆

（星島日報報道）馬國明自爆已叫未婚妻湯洛雯（靚湯）做老婆，對方更每晚在家陪他看新劇，大讚他有型！對於婚期，馬明笑言要問靚湯，自己忙拍劇，相信會在完工之後，直言好憧憬組織家庭。
馬國明、陳山聰、劉穎鏇、劉佩玥（Moon）、江美儀等出席劇集《隱形戰隊》宣傳，劉穎鏇及Moon不約而同穿上短裙現身，大騷長腿。玩遊戲時，山聰要用頭頂爆放在劉穎鏇屁股的心形波，而馬明則要與Moon合作，用面部和腹部夾波，Moon即時重演劇中騎在馬明身上的一幕，搞到現場咿哇鬼叫，山聰笑指大家影完相不要在IG中Tag馬明未婚妻靚湯。至於林子善則被安排用面與Moon及劉穎鏇一起夾波，艷福無邊。
婚禮聽晒靚湯話
對於被監製笑指是被天然呆耽誤的型男，馬明也直認自己有型，提到他指有多年不見的朋友在劇集播出後突然跟自己聯絡，馬明笑言相信對方較關心Moon及劉穎鏇的劇情，又自爆自己已叫靚湯做老婆，對方每晚在家陪他看新劇，亦大讚他有型：「難得見到個老公咁有型。（已經叫老公？）有時喺屋企都叫佢做老婆。」對於兩人的婚期，馬明笑言要問靚湯，皆因自己要為新劇《NEWS新聞女王》開工，相信會在拍完該劇之後才安排，但其他事都由靚湯決定：「好坦白講，我當然好憧憬同佢組織家庭，但婚禮嘅模式係點？反而女仔個心入面有特別諗法，所以等佢安排，睇吓佢想要點樣嘅婚禮，我都一定配合佢，最緊要圓咗佢心目中嘅嘢先。」