郭富城：哥哥是真正舞台王者

（星島日報報道）張國榮《繼續寵愛．二十年．音樂會》前晚在紅館舉行，郭富城以壓軸嘉賓身分現身，大讚哥哥是他心裏面真正的舞台王者，沒人能夠代替。哥哥摯愛唐鶴德在音樂會末段以錄音悼念哥哥，很開心大家仍然很愛錫哥哥，藉音樂會一起回憶哥哥的真、善、美。
周慧敏、張智霖（Chilam）、袁詠儀（靚靚）、李幸倪、陳松伶等，前晚為張國榮《繼續寵愛．二十年．音樂會》演出，整個演唱會穿插不同巨星包括劉嘉玲、梁朝偉、吳君如、古天樂、許冠傑等的錄音聲帶，分享他們與哥哥的點滴。
靚靚自言最幸福
靚靚入行後曾與哥哥多次合作飾演情侶，笑指曾有人因此呷醋，又回憶在《金枝玉葉》上映時，自己與哥哥及老公Chilam食完飯，走到戲院看觀眾反應，不諱言當時覺得自己是全世界最幸福的女人，因為左右手都拖着張先生，引來觀眾大叫，亦令到Chilam唱出《左右手》時要忍笑，最後更搞到甩嘴。Chilam接受訪問時指，與哥哥最深刻的回憶是麻將枱上，大讚哥哥牌品好及對人很好。
郭富城以壓軸嘉賓身分現身，跳唱《Monica》即掀起高潮，唱完後城城指着天及向天送上飛吻。城城回憶1986年入行做第一個騷就有幸與哥哥合作，慶幸曾為他伴舞，又大讚哥哥對dancer很好，指哥哥在他心裏面是真正的舞台王者，沒人能夠代替：「我記得佢成日笑着對啲dancer講畀心機，我真係有畀心機！雖然過咗咁多年，相信全球歌迷都好錫Leslie。」
回憶哥哥真善美
音樂會完結前，熒幕播放出哥哥與摯愛唐鶴德的合照，唐唐錄了一段說話悼念哥哥：「古人有一句說話係咁樣講：『死而不亡者壽』，原來死亡並唔係一個終結。被遺忘嘅，先至係。好幸運，哥哥喺佢呢20幾年嘅演藝生涯裏面，佢演過好多令人印象深刻嘅角色；唱過好多動人心弦嘅歌曲；亦都留底咗好多姣、靚、型、寸嘅舞台表演，呢啲都成為咗我哋嘅集體回憶。」並代表哥哥多謝大家，希望大家藉這個機會一齊回憶哥哥的真、善、美。
城城騷後接受訪問時直言，跟哥哥有很多難忘回憶，指哥哥對人毫無架子，好錫dancer，令他深受感染，城城早前在美加舉行巡迴演唱會時，在當地宣傳新戲《斷網》及《風再起時》，以及參與當地電影展並得獎，問他如何慶祝得獎？他說：「其實係一種鼓勵，攞完就放低，繼續做想做嘅工作。」