鄭秀文真空上陣 挑戰側裸超性感

（星島日報報道）將於7月假紅館開騷的鄭秀文，早前拍攝演唱會的宣傳海報，海報的製作花絮於日前曝光。真空上陣的Sammi，其造型超性感，長裙相當貼身，從側邊看更接近全裸，難怪她表示拍攝要「認真做功課」。
天后鄭秀文（Sammi）早前正式宣布，將於7月假紅館舉行8場「You & Mi鄭秀文世界巡迴演唱會香港站2023」，門票於下星期一（8日）優先訂票。Sammi的演唱會海報日前曝光，她在海報中大晒fit爆身材，連她本人都表示好滿意，更透露自己為完美演繹性感服飾，事前認真做功課。
做好身形管理
海報中的Sammi服飾有型性感，完美展露全身肌肉的綫條美，狀態大勇。Sammi透露事前認真做了一些功課：「我喺拍攝前做好皮膚護理、瞓好啲、做Mask等係基本準備，今日影海報呢條裙確實有少少難着，因為剪裁特別又好多元素，有舞台感、高貴感，仲有啲Punk，一套衫有咁多元素，好特別，所以我都要做好身形管理。結果無問題，已經過咗一關啦，我好滿意！」
Sammi身材fit爆，她承認以前的飲食比較節制，現在心態較隨意，不變的是堅持勤做運動。她說：「我試過168（每天8小時進食），甚至204（每天4小時進食）的方法，但有時好想食都會照食！依家我好隨心，無限定一個食嘢方式。如果需要着套衫修身啲，就飲食檢點啲，如果套衫鬆身啲，我有時會一日食三四餐，最緊要做運動，食多啲都唔怕！」她笑言完成海報拍攝，終於可以開懷放縱一下。